No : 141/D.II-S/Tn.Dist/XII/2008
Lamp:-
Hal : Tona ni Sinode Distrik
Mandapothon
Nahinaholongan
Sude ruas ni huria HKBP
d/p
Pandita Resort
di Ingananna be
Asi ni roha ma di hamu dohot dame sian Debata Amanta dohot sian anakNa Tuhan Jesus Kristus dohot sian Tondi Porbadia. Amen.
Na di ari 30 Nopember - 2 Desember 2008 dipatupa Hurianta HKBP Distrik II Silindung do Sinode Distrik maringanan di Gedung Sekolah Minggu HKBP Pearaja niuluhon ni amanta Praeses nidohotan ni ganup utusan sian ressort dohot lembaga hombar tu Aturan dohot Paraturan HKBP.
On ma Sinode Distrik na parjolo napinatupa ni Distrik II Silindung dunghonsa Sinode Godang HKBP Periode 2008-2012 sinondangan ni Tema: “Ringkoti hamu huhut hasonangan ni huta habuanganmu na hubaheni, jala tangiangkon hamu nasida tu Jahowa, ai molo marhasonangan ma dohot hamu” (Jer 29:7).
Nunga tabolus be taon Koinonia dohot taon Marturia na di taon na salpu i, jala taon 2009 nunga ditotophon hurianta be gabe taon Diakonia HKBP na mangondolhon ringkot ni panghobasion.
Marhite Tema ni Sinode Distrik II Silindung on, tarjou do huria asa marsitutu laho pahinsathon ngolu na masitangiangan dohot masiurupan songon parbue ni ngolu ni angka na porsea di Tuhanta i. Dihatai do nang angka na marpardomuan tu panghobasion asa marhasonangan di bagasan taon 2009 ima laho pahinsathon ngolu partondion ni sude ruas ni hurianta lumobi ma i na mardomu tu panogunoguon tu dakdanak sikola minggu, remaja dohot naposobulung. Laos ditaringoti do di Sinode Distrik i parsitutuon ni ganup regional laho padasiphon angka parsaoran dohot patoguhon hasadaon ni huria. Angkup ni i ditaringoti do di Sinode Distrik sangkap laho mambangun rumah dinas ni Praeses di Distrik on.
Alani i tung tatangianghon ma asa anggiat mardalan sude program panghobasion ni hurianta HKBP di taon Diakonia 2009 on, huhut manomunomu Pesta Jubileum 150 taon HKBP Distrik II Silindung di taon 2011.
Sai dipasupasu Tuhanta ma saluhut hurianta laho manalpuhon taon 2008 on, jala ditogutogu ma hita mamongoti taon 2009 on.
Selamat Advent dohot selamat menyambut Natal
Atas goar ni sude
parsinode HKBP Distrik II Silindung
Praeses HKBP Distrik II Silindung
Pdt. S. Manogari Silitonga, MTh
Tembusan:
- Ompui Ephorus HKBP
- Sekretaris Jenderal HKBP
- Kepala Departemen Koinonia HKBP
- Kepala Departemen Marturia HKBP
- Kepala Departemen Diakonia HKBP
- Pertinggal
Tidak ada komentar:
Posting Komentar