Manjalo Tondi hagogoon, haholongon, pangarajaion diri

Jamita di Minggu XXIII Trinitatis 15 Nopember 2009
2 Timoteus 1:6-12

NGOLU NASINONGGOPAN NI TONDI HAGOGOON, TONDI HAHOLONGON DOHOT TONDI PANGARAJAIAON DIRI
1. Hamu angka dongan na ninaholongan di bagasan goar ni Tuhanta Jesus Kristus, jamita di hita sadari on ima taringot tu poda sipaingot ni apostel Paulus tu naposona si Timoteus anak hinaholonganna i. Didok si Paulus do si Timoteus anak na hinaholonganna (anak rohani) di bagasan Tuhan i patuduhon jonok ni parsaoran nasida di bagasan pamaritahon barita na uli i.
2. Poda sipasingot na pinasahat ni apostel Paulus tu Si Timoteus on manonahon asa tongtong si Timoteus mangula di bagasan parsitutuon di bagasan pamaritahonon. Mamereng tu godang ni angka hamaolon nabinolusna di bagasan parjamitaon i unang ma nian mandele, unang mansohot gariada tahe sai lam marsitutu ibana mangulahonsa. Boasa ingkon marsitutu mangulahon i, ala memang adong basabasa, karunia, manang talenta dipasahat Debata tu Ibana songon sahalak parjamita. Alani i ma adong 4 resep napinasahat ni apostel Paulus tu si Timoteus asa tongtong ibana mangulahon ulaon parbatira na uli i. Dia ma i? Parjolo: Dilehon Debata do tondi Hagogoon, Haholongon, pangarajaion dirin ndada tondi hatahuton. Khusus tu tondi Pangarajaiaon diri on mansai porlu di si Timoteus. Paduahon: Dipaingot apostel Paulus tu Si Timoteus asa unang maila manghatindanghon Barita Nauli. Patoluhon: mangarataratai panjouonna gabe parbarita nauli. Paopathon: Mgolu na mar Habengeton (Ketekunan.
3. Tu hita saluhutna ruas ni huria marsadasada, hita pe dohot do parbarita na uli. Na marbarira nauli do hita di tongatonga ni angka ulaonta siganup ari. Marhite aha? Ima marhitehite parange, sikap dohot pambahenanta. Nunga dilehon Debata tu hita tondina i, tapangke ma i laho patulushon ulaonta. Unang hita maila, tarataratai ma panjouonta jala benmget ma hita tongtong.
4. Gabe angka pangula na burju ma hita. Layak dipercaya, sihaposan. Lapatanna adong tanggungjawab. Pekerja yang bertanggungjawab. Alani i ingkon gabe halak na martanggungjawab do hita di angka ulaon napinasahat ni Debata. Molo adong tanggungjawab di hita di na mangula ulaon i, tontu gabe pasupasu do ulaon i tu hita nang tu angka na humaliang. Amen.