Kristus do Ojahan ni Pardongansaripeom ni Halak Kristen
Efesus 5:22-33
Hamu angka dongan nahinaholongan di bagasan goar ni Tuhanta Jesus Kristus, arga do pardongansaripeon ni halak Kristen di tongatonga ni portibion. Tontu ala Debata do napaojakhonsa dipangido Debata ma parsitutuon ni ina dohot ama laho pauliulihon dohot mangaradoti pardongansaripeon i hombar tu lomo ni roha ni Debata. Asa marhite patrdongansaripeon i tarida hasangapon dohot hamuliaon ni Debata. Asa jumpang hadameon dohot haulion ni pardongansaripeon na pinajongjong ni Tuhan i dipangido Debata do parsitutuon sian ama dohot ina na adong di pardongansaripeon i. Ido umbahen didok Gary Thomas, pengarang buku Sacred Marriage (Pernikahan yang Kudus), berkata: "Tuhan merancang pernikahan untuk membuat Anda suci, lebih daripada membuat Anda bahagia." Kebahagiaan pernikahan adalah buah atau hadiah dari perjuangan menyangkal diri. Ia tak akan datang sendiri.
Asa jumpang pardongansaripeon na badia jala na bahagia,Mangihuthon apostel Paulus di turpuk jamitaon, adong ma dua resep utama sipareahan di tongatonga ni pardongansaripeon i: Parjolo: Dioloi parompuan ma baoana be songon pangoloina di Tuhan i. Paduahon. Hamu angka baoa haholongi hamu ma pardihutamuna be songon Kristus na manghaholongi huria i. Tung arga do kehadiran ni parompuan i di tongatonga ni dongansaripena. Suang songon i do nang ama, arga do nang hajongjonganna di tongatonga ni keluarga i.
Hamu angka dongan nahinaholongan di bagasan goar ni Tuhanta Jesus Kristus, molo taida di di bagasan tingki on torop sian tongatonga ni halak naung mardongansaripe na so jumpang be hadameon. Ala masing-masing unsur na adong di bagasan pardongansaripeon i ndang be mandalanhon ulaonna. Sahat do i nang tu pardongansaripeon ni halak Krksten. Masa angka parsalisian hinorhon ni na so masiantuasan ama dohot ina. Sipata ala ni bonsir saotik gabe olo marbadai jala sahat tu na so masipanghulingan. Ujungna gabe marpanghorhon do i tu ianakhon di tongatonmga ni bagas. Sandok ganup ma mangaradoti holong na pinasahat ni Debata tu nasida naung pinalua ni Debata. Asa gabe keluarga na martua situtu. Amin.
02 Oktober 2010
Keluarga Kristen
Langganan:
Posting Komentar (Atom)
Tidak ada komentar:
Posting Komentar